"Vatanğa 12 ukrayin balasını qaytarmağa imkân oldı! Balalar tuvğanlarınen beraber Donetsk, Zaporojjâ ve Herson vilâyetlerinde yaşağanlar. Çoq şükür, şimdi olar Ukrayinanıñ kontroli altında olğan topraqlarda bulunalar", — dep ayttı o.
Ombudsman, Rusiye işğalci akimiyeti qorantalarğa Rusiye pasportlarını mecburen bermege tırışqanı aqqında aytıp berdi.
"Hasta balalarnı, atta doğma hastalıqları olğan ve diqqatqa muhtac olğan balalarnı bile ekimler qabul etmeyler. Lâkin ana-babalarğa balalarını reabilitatsiyağa yollamaq teklif etile, bu ise sıq sürgünlik ya da mecburiy yerleştirüv ola. Bazı balalar rus mekteplerine barmağa mecbur oldılar, anda rus dünyası içün faal teşviqat alıp barıla edi".
Lubineta, Rusiye arbiyleri büyüklerni işkencege oğratqanı ve balalarnı ana-babası olmağanda sorğuğa çekkenleri ve işkence usullarını qullanğanları aqqında tahliye etilgenlerniñ şaatlıqlarını ketirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
