Arbiy patruller işğal etilgen Qırımda askerlikke celp etileceklerni mecburen toplama yerlerine ketireler. Bunı Ukrayina Yuqarı Radasınıñ insan aqları vekâletlisi Lüdmila Denisova haber etti.
Bundan ğayrı, onıñ sözlerine köre, arbiy yaşta olğan qırımlı erkeklerge yarımadanı terk etmege yasaq etkenler.
Rusiye akimiyetiniñ işğal etilgen Qırımda bu kibi areketleri Jenva şartnamesini boza, dep qayd ete ombudsman.
"Muvaqqat işğal etilgen Qırımda Ukrayina vatandaşlarınıñ Rusiye ordusına celp etüv Jeneva şartnamesiniñ cenk vaqtında vatandaş ealiniñ qoruvı aqqında 51 IV maddesini boza", - dep yazdı Denisova.
2022 senesi aprelniñ 1-nden iyülniñ 15-ne qadar Rusiyede nevbetteki yaz arbiy çağırış kampaniyası keçirile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
