İşğal etilgen Qırım sakinine "Rusiye ordusını itibardan tüşürüv" içün para cezasını berdiler. Bunı Rusiyeniñ nezaretinde olğan Aqmescitniñ Merkeziy rayon mahkemesiniñ matbuat hızmetinde haber ettiler.
Qayd etilgeni kibi, Aqmescit sakini 30 biñ ruble cöreme ödemek kerek.
Rusiyeniñ nezaretinde olğanmahkemeniñ malümatına köre, 25 yaşındaki qız "itibardan tüşürgen malümat" ile plakatnen itiraz bildirmek içün Qırımnıñ Rusiye parlamenti binası yanına kelgen.
Tünevin, Rusiyeniñ nezaretinde olğan Qurman rayon mahkemesi saba Qırımda küyeçirilgen tintüv vaqtında yaqalanğan Qırımtatar Milliy Qurultayınıñ Merkeziy saylav komissiyasınıñ reisi Zair Smedlâğa 40 biñ ruble para cezasını berdi. O, Rusiyeniñ Ukrayinağa cenki vaqtında "Rusiye ordusını itibardan tüşürüv" ile qabaatlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
