Qırım ilhaqı vaqtında 362 siyasiy mabüs ve taqip etilgen şahıs qayd etildi, olardan 226 - qırımtatar halqınıñ vekilleri. Bunı Qırımtatar Resurs Merkezi bildire.
Qırımtatar Resurs Merkezi siyasiy mabüslerni ve taqip etilgenlerni şöyle beş kategoriyağa böle:
- mahküm etilgen ve apishanelerde bulunğanlar: 171 insan, olardan 104 qırımtatar
- sıñırlav ya da sınav müddeti olğanlar: 48 insan, olardan 25 qırımtatar
- SİZO-da bulunğanlar: 52 insan, olardan 34 - qırımtatar
- azat etilgenler: 57 insan, olardan 35 qırımtatar
- taqip etile: 34 insan, olardan 28 qırımtatar.
Qırımtatar Resurs Merkezinde, bu statistika işğal etilgen yarımadada siyasiy mabüslerniñ ekseriyetini teşkil etken qırımtatarlarğa nisbeten maqsatlı taqipler olğanını köstere, dep qoştılar.
Avgust ayında siyasiy sebeplerden qırımlılarnıñ taqip etilmesi aqqında 356 adise aqqında belli edi.
Faallerniñ bildirgenine köre, Rusiye azatlıqtan marum etüv yerlerinde yaşı 60-tan büyük olğan 17 qırımlı ve ukrain faalini tuta.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
