Link açıqlığı

Saatnıñ esas haberi

KrımSOS: «İrına Daniloviçke qarşı işkence cenk cinayeti ola»


İrına Daniloviç, arhiv fotoresimi
İrına Daniloviç, arhiv fotoresimi

KrımSOS aq qorçalayıcı teşkilâtı bildirgenine köre, Rusiye uquq qoruyıcılarınıñ Qırımda hırsızlanğan vatandaş jurnalisti, «Krımskaya meditsina bez oblojki» teşebbüsiniñ koordinatorı İrına Daniloviçke qarşı cinayetleri cenk cinayeti olaraq tahqiq etilmeli.

«Halqara uquq er angi vaqıt, er angi yerde ve er angi vaziyette – cenk, işğal, fevqulâde vaziyet ve ilâhre – işkencelerni yasaqlay. İşğal altındaki Qırımda işkenceler Halqara ceza mahkemesiniñ yurisdiktsiyasına cenk cinayeti olaraq oğray ya da diger devletler tarafından universal yurisdiktsiya mehanizmi çerçivesinde tahqiq etile bile», – dep bildirdi KrımSOS talilcisi Yevgeniy Yaroşenko.

O, Rusiye uquq qoruyıcılarınıñ İrına Daniloviçke qarşı munasebeti işkence olaraq qabul etile bile, dep qayd etti.

«Bir insandan malümat yalmaq ya da bir şey yapqanını qabul ettirmek içün işkence vekâletli insanlar tarafından büyük ağrı, bedeniy ve maneviy azaptan ibaret ola bile», – dep qayd etti Yaroşenko.

Mayısnıñ 13-nde advokat Ayder Azamatovnıñ bildirgenine köre, İrına Daniloviç hırsızlanğan soñ Qırımdaki Rusiye FSBsiniñ idaresinde sekiz kün tutuldı. Onı bir şey gizlese, «ormanğa çıqarırlar», dep qorquzdılar. Bu vaqıt devamında Daniloviçke künde bir kere aş berildi. Rusiye FSBsinde tutuluvınıñ soñunda hırsızlanğan vatandaş jurnalistine azat etilecek dep boş kâğıtlar imzalaması içün berildi. Bunı yapqan soñ Daniloviçke onıñ çantasında 200 gramm patlayıcı madde tapıldı dep, onı mahkemege sıñırlav tedbiriniñ belgilenmesi içün alıp kettiler.

Rusiye uquq qoruyıcıları advokat Azamatovnıñ aytqanlarını izaatlamadı.

Mayısnıñ 11-nde bulunğan yeri aprelniñ 29-ndan berli belli olmağan İrina Daniloviç Aqmescit SİZOsında tutulğanına dair malümat resmiy şekilde tasdıqlandı.

Daniloviç patlayıcı madde ya da patlayıcı cihazlarnen qanunsız areketlerde (Rusiye Ceza kodeksiniñ 222.1 maddesiniñ 1-inci qısmı) şübheli sayıla. O, mayısnıñ 7-nde apiske alındı. Advokatı Ayder Azamatov onı sekiz kün devamında, em FSB idaresinde, em advokatlar palatasında qıdırğanına baqmadan, oña devlet advokatı berildi.

Hatırlatamız, vatandaş jurnalisti İrına Daniloviç aprelniñ 29-nda sabadan berli bağğa çıqmadı. Yaşağan evde onsız Rusiye FSB hadimleri tintüv keçirdi. Tintüv neticesinde Daniloviçniñ ana-babasından bütün cep telefonları alındı ve bir qaç kün olar kimsege haber etip olamadı.

Mayısnıñ 5-nde belli olğanına köre, yaqarlıq stantsiyalarından birinde kameralar hırsızlavnı qayd etti. Daniloviçniñ babası aytqanına köre, videoda İrına Danilovıç kiyingenine oşağan bir urbada qadın duraqta tura ve qara maşina toqtala. Maşinadan bir qaç kişi çıqa ve qadın tirense de, onı maşinağa mindireler. Video babağa berilmedi, çünki onı yalıñız polis hadimleri ala bile, dep haber etildi.

Qırım Muhtar Cumhuriyetiniñ prokuraturası İrına Daniloviçniñ qanunsız tutuluvı ve tintüvlerinen bağlı cinaiy tahqiqat başlattı.

Ukrainanıñ cemaat teşkilâtları vatandaş jurnalisti İrına Daniloviçni azat etmege talap etti.

İrına Danilovıç emşire olıp çalışa ve içtimaiy ağlarda saifesi ve bir qaç bloger saifesi bar. Anda işğal etilgen yarımadadaki tibbiyet hadimleriniñ aqları ve sağlıq problemlerinen bağlı yazılar paylaşa.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG