İran TİN yolbaşçısı Hosseyn Amirabdollahân memleketi Rusiyege kamikadze dronlarnı teslim etkenini il defa tanıdı. Bunı noyabrniñ 5-nde Associated Press agentligi haber etti.
"Ukrayinadaki cenkten bir qaç ay evel Rusiyege sıñırlı miqdarda dronlarnı teslim ettik", - jurnalistler Amirabdollahânniñ aytqanlarından alıntı ketireler.
Aynı zamanda İran TİN yolbaşçısı Tegeran dronlarnıñ Ukrayinağa qarşı qullanılğanı aqqında dersiñ bilmegen.
"Eger (Kıyivniñ) Rusiyeniñ Ukrayinada İranda yasalğan dronlarnıñ qullanmasını tasdıqlağan vesiqaları olsa, olarnı bizge bermeliler. Rusiye Ukrayinağa qarşı cenkte İranda yasalğan dronlarnı qullanğanı tasdıqlansa, biz buña lâqayt qalmamız", - dep qoştı o.
Rusiye ile İran arasında işbirlik Rusiyeniñ Ukaryinağa büyük istilâsından soñ faalleşti. Cuyenkte Ukrayina ve Ğarp memleketleriniñ bildirgeni kibi, Rusiye İranda yasalğan Shahed-136 dronlarnı qullana.
İran ve Rusiye dronlarnıñ tesli etilmesi aqqında malümatnı defalarca inkâr etti. Oktâbrniñ 20-nde AB ve Büyük Britaniya kamikadze dronlarnı yasağan Shahed Aviation Industries şirketke ve üç iran arbiy memurına qarşı sanktsâilar qoydı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
