Link açıqlığı

İnternette rusiyelilerniñ «№0900 otrâdınıñ 2014 senesi fevral 22-den mart 28-ne qadar Qırım Muhtar Cumhuriyetinde vazifelerni eda etüv aqqında» video esabatı peyda oldı.

«Tsentr jurnalistskih rassledovaniy» malümatına köre, videodaki bölük Rusiye içki işler nazirliginiñ angi bölügine ait belli degil.

Videoda yarımada obyektlerini zapt etüv cedvelleri ve onı tasdıqlağan video delilleri bar. Bazı levhalar bundan evel aydınlatılmağan edi.

Operator işğalciler tarafından video çıqara, aman-aman er yerde o, silâlı adamlar – «yeşil adamçıqlarnen» – birinci sıralarda edi.

Videoda Qırım Nazirler şurasınıñ binasını zapt etüv ve muhtariyet Nazirler şurasınıñ qapalı toplaşuvı bar.

Levhada Aqyarda Ukraina arbiy-deñiz quvetleri komandanlığınıñ ştab ve silâ mağazınıñ ücümi kösterile.

Bundan ğayrı, videoda Qırımda zapt etilgen bir sıra obyektler bar.

İçtimaiy ağlarnıñ qullanıcıları añlap olamaylar, böyle bir malümat arbiyler tarafından iç bir vaqıt aydınlatılmay. Er keste aynı sual peyda oldı: böyle bir tedbirlerni keçirgen memleketniñ «arbiy sırını» açqan malümatlarnı kim ve ne sebepten aydınlata?
XS
SM
MD
LG