Yalta, Mishor, Alupka ve Simeizde patlavlar eşitildi, dep bildire Krımskiy veterniñ telegram kanalı yerli sakinlerge atıf etip.
Mishor kurortı rayonında Rusiye Federatsiyasınıñ büyük desant gemisi yoq etildi, dep iddia etile. Qurtaruv işleri içün daa bir gemi yollanıldı, dep aytıla haberde.
Rusiye Mudafaa nazirligi Qara deñiz üzerinde altı uçucısız uçaqnı yaqaladı, dep bildirdi.
Muarririyet malümatnı teşkere.
2023 senesi dekabr 26-da ukrayin quvetleriniñ Qırımdaki Kefe limanına ücüminden soñ, ukrayin tarafınıñ malümatına köre, Rusiyeniñ "Novoçerkassk" desant gemisi yoq etildi.
Rusiye Mudafaa nazirligi Ukrayina Silâlı quvetleriniñ Kefede Novoçerkask desant gemisine ücüm etkenini tasdıqladı.
Astra telekanalınıñ malümatına köre, 33 deñizci ğayıp oldı. Olarnıñ soy-sopları DNK örneklerini teslim ettiler, üç ay içinde teşkerüv neticelerini bermege vade eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
