"Oleksiy Kısılevniñ davası 2014 senesinden soñ işğal etilgen topraqlarnı terk etken i işğalcilerge tirenüv köstermek içün özlerini teşkil etken Qırım sakinleriniñ Rusiye akimiyeti tarafından taqip etilmesini numayış etken belli davalardan ilkidir. Kıselevniñ davasında mecburen tutıp esir etilüv elementelri bar", - dep añlata advokat Sergiy Zaets.
"QırımSOS" teşkilâtı 2022 senesi noyabrniñ 28-nde İnsan aqları Avropa mahkemesine şikâyet berdi.
"Al-azırda şöyle bozuvlar qayd etilgen: iskenceler, qanunsız şekilde azatlıqtan marum etüv, qanunsız tintüv ve mülkniñ hırsızlanması. Kelcekte büyük ihtimalnen adaletlı mahkeme araştırması aqqınıñ bozulması aqqında da aytmaq mümkün olacaq", - dep qoşa advokat.
Rusiye quvetçileri Qırımda Ukrayina Arbiy deñiz quvetleriniñ "Slavutiç" keşfiyat gemisiniñ keçmiş komandanı Oleksiy Kısılevni Rusiyede yasaq etilgen ve terroristik sayılğan Noman Çelebicihan adına göñülli qırımtatar batalyonında iştirak etüv ile qabaatlap, qaçırdılar. Advokatı Aleksey Ladin bildirgeni kibi Kısılev Rusiye quvetçileri tarafından elektrik aqımı ile iskencelerge oğratılğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
