Bazar künü, fevralniñ 9-ında saat 20:00 Crimean Tatars – Q-TV YouTube kanalında ve içtimaiy ağlardaki saifelerde "Şamatalı qoranta" ilk qırımtatar şaqa serialınıñ numayışı başlana. Bunı Facebookta Qırım jurnalisti Lilâ Bucurova yazdı.
Onıñ aytqanına köre, numayış kününde sitkomnıñ birden eki seriyasını körmege mümkün.
"Sitkomnıñ nevbetteki seriaları er cumaaetesi ve bazar künleri saat 20:00 sizni bekleycek. Şeñ olacaq! Qırımtatarca olacaq", - yazdı o.
Daa evel bildirile edi ki, sitkomnıñ birinci mevsimini 10 seriyadan ibaret olacaq.
Qırımda "Şamatalı qoranta" birinci qırımtatar sitkomınıñ çekisleri devam etmekte. Operator Eskender Nebiyev, çekişlerniñ backstage-ni çıqardı. O künü baş qaramanlarnı olarnıñ yaşlığına - 70-inci yıllarğa qaytardılar. Sitkomnıñ birinci mevsiminde 10 seriya olacaq. Serialnıñ yaratıcıları, Qaradeñiz production studiyası, onı er qırımtatar qorantası seyir eter, dep ümüt ete. "Şamatalı qoranta" birinci qırımtatar komediya serialını nasıl çıqarğanlarını videoda seyir etiñiz.
