"Qırım ve Aqyar şeeri musulmanlarınıñ müfti" muavini Ayder İsmailov aprelniñ 28-nde Rusiye, onıñ ilhaq etken Qırımda ve Rusiye ordusı tarafından işğal etilgen Herson musulmanları Qurban bayramına Saudiy Arabistanğa acılıqqa kete bileceklerini bildirdi. Bunı o "RİA Novosti Krım" agentligine aytıp berdi.
"Herson vilâyetinden olğan adamlar da acılıqqa ketmege isteyceklerine azır olmaq kerekmiz, bunı köz ögüne alıp olar içün böyle fırsat temin etmek kerek olacaqmız", - dedi o.
Dünyanıñ er yerinden bir million musulman Suadiy Arabistanğa acılıqqa barıp olacaq. Rusiye 11 318 kvota aldı, yaqnıda olar bölgeler arasında bölünecek.
Bundan evel haber etilgeni kibi, Rusiye arbiyleri Herson vilâyetiniñ işğal etilgen topraqlarında ealiniñ Ukrayinağa qarşı cenkke mecburiy seferber etilmesini teşkil etmege planlaştıra ediler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
