Link açıqlığı

Saatnıñ esas haberi

İlbavda Kitap forumında Oleg Sentsovnıñ ikâye kitabı taqdim etilecek


Oleg Sentsovnıñ "Merketer" ikâyeler kitabı

İlbavda (Lviv) sentâbr 22-sinde Kitap forumında Qırımda yaşağan ukrain rejissörı Oleğ Sentsovnıñ "Marketer" ikâyeler kitabı taqdim etilecek, bildire "Starogo Leva" neşriyatı.

"Bu kitap - Oleğnıñ ikayeleriniñ toplamı, o onı türmede yazdı. Müellif 90-ıncı yıllarnıñ başında olğan öz studenlik vaqtı aqqında, degerliklerniñ deñişmesi aqqında, stereotiplerniñ bozulması aqqında, öz şekillenmesi aqqında ikâye ete. Metinniñ originalı ukrain tiline tercimenen beraber olacaq", - denile beyanatta.

2017 senesi oktâbr 27-sinde Kyivde "Oleğ Sentsov" kitabı taqdim etildi. Anda Oleğnı yahşı bilgen adamlarnıñ onıñ aqqında hatıralarını, onıñ kitaplarından parçalarnı ve onıñ davası boyunca keçken şaatlarnıñ sorğu protokollarınıñ parçalarını topladılar. Kitapta çoq süret bar - ev arhivinden ve mahkeme odasından.

İyülde Odesa kinofestivaliniñ qapalış merasiminde qırmızı halıda Rusiyede apiske alınğan qırımlı ukrain rejissöri Oleg Sentsovğa qoltutuv aktsiyası keçirildi.

Keçken sene Rusiye apishanelerinde tutulğan bütün ukrainalı siyasiy mabüslerni azat etmek talabı ile tutqan 145 künlik açlıqtan soñ Oleg Sentsov «aşamağa yazma şekilde razı oldı». O, bunı «zornen aşatuv telükesi bar olğanından mecburiy adım» dep adlandırdı. Amnesty International zornen aşatuv işkence ola, dep bildirdi. 2018 senesi oktâbrniñ 25-nde Sentsovğa Avropa parlamentiniñ «İfade serbestligi» içün Saharov mukâfatı berildi.

Siyasiy mabüs Oleğ Sentsov aqqında daa çoq malümat Qırım.Aqiqat saytında tapa bilesiñiz.

«Memorial» insan aqlarını qorçalav merkezi Sentsov ve Kolçenkonı siyasiy mabüsler cedveline kirsetti. Rusiyede mahküm etilgen Oleg Sentsovnı qurtarmaq çağıruvı ile petitsiya Beyaz Saraynıñ saytında 100 biñden ziyade insan tarafından imzalandı.

XS
SM
MD
LG