Rusiye Federatsiyasınıñ uquq qoruyıcıları özüni ilân etken «DNR» sabıq «mudafaa naziri» İgor Strelkovnı (Girkinni) tuttı, evinde tintüv keçirile, dep haber ete «RBK» Rusiye neşiri eki menbağa esaslanıp.
Bu malümatnı advokatı tasdıqladı. Strelkovnıñ Telegram kanalında ömür arqadaşı Miroslava Reginskayanıñ yazğanları peyda oldı:
«Bugün saat 11:30-larda tahqiqat komitetiniñ vekilleri keldi. Evde yoq edim. Soñra, könsyerjniñ aytqanlarına köre, olar aqayımnı çıqarıp, belli olmağan yerge alıp kettiler. Dostlarımdan bilgenime köre, ömür arqadaşıma Rusiye Federatsiyası Ceza kodeksiniñ 282 maddesine istinaden (ekstremizm) qabaatlavlar aytıldı. Aqayımnıñ bulunğan yerini bilmeyim, bağlanıp olamayım».
2014 senesi Qırımda Strelkov arbiy bölükler ve akimiyet organlarınıñ zapt etilüvinden mesüliyetli edi, Ukrayına arbiyleriniñ sorğuğa çekilüvi ve Ukrayına vatandaşlarınıñ verbovkasında iştirak etken eji.
Gaaga mahkemesi 2022 senesi noyabrniñ 17-nde Girkin (Strelkovnı) 2015 senesi Donbasta MH17 «Boingini» yoq etüv ve 298 insannıñ öldürüvinde qabaatladı. Rusiye Baş istihbarat idaresiniñ istifada olğan üykeg zabit Sergey Dubinskiy ve «DNR» istihbarat bölüginiñ komandanı Leonid Harçenko da qabaatlandı. Episi ömür boyu apis cezasına üküm etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
