Qırımda çeçek ayınıñ 25-nde pilotsız uçaqlarnıñ ücümi aqqında haber etile, yerli telegram kanallarında ve Rusiye nezaretindeki monitoring resurslarında mütenasip haberler derc etile.
Rusiye nezaret kanalları bütün yarımadada dron telükesi aqqında yaza.
"Krımskiy veter" telegram-kanalı abunecilerine atıf etip, yerli sakinler Aqmescit ve Qarasuvbazar rayonlarında dronlarnıñ uçuşını közetkenini, Krasnoperekopsk ve Nijnegorsk rayonlarında ise RF Ava mudafaasınıñ işi eşitilgenini bildire.
Rusiye akimiyeti ve Rusiye arbiyleri vaziyetni şimdilik izaatlamay
Bundan evel Rusiye Mudafaa nazirligi Qırımda 59 ve Qara deñizde 11 uçucısız uçaqnıñ ücüm etkenini bildirdirgen edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti «Ukrayina uçucısızlarına» qarşı atış, «ava mudafaasınıñ işi» ve Rusiye arbiyleriniñ «talimleri» dep ayta. Yarımadada arbiy hızmetniñ reklaması yapıla ve Rusiye Silâlı Quvetlerine qoşulmağa çağıralar. Aq qorçalayıcılar qayd etkenine köre, böyle areketler halqara uquqnı boza.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
