Bir sıra Rusiye ve Ukrayina telegram kanalları Ukrayinanıñ Keriçteki "Zaliv" gemi yapıcılığı zavodına raketa ücüminden soñra "Askold" Rusiye gemisiniñ fotoresimlerini yayınladı.
Bu fotolardan birini Ukrayina Silâlı quvetleriniñ Strategik kommunikatsiyalar merkezi de yayınladı.
"Mevcut olğan malümatqa köre, gemi büyük ölçüde zarar körgen ve büyük ihtimalnen tamir etile bilmez", - dep yazdı fotoresim astında ukrayinalı arbiyler.
Bu fotoresimlerniñ kerçekligini teşkermek imkânsızdır.
Noyabrniñ 4-nde Keriç civarında uçıp keçken raketalarnıñ sesleri eşitile edi. Qırımnıñ Rusiye yolbaşçısı Sergey Aksönov gemi qurucılığı zavodı territoriyasında ava mudafaası sisteması işlegenini bildirdi. Onıñ sözlerine köre, urıp tüşürilgen raketalarnıñ parçaları quru doklardan biriniñ territoriyasına tüşken.
Biraz soñra Ukrayina ordusı Keriçteki "Zaliv" gemi qurucılığı zavodına rake darbesi endirilgenini tasdıqladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
