Saatnıñ esas haberi

«Er şey bir tüyreviçnen başladı». İbraim İbragimovnıñ qırımtatar turmuşınıñ ev müzeyi (fotoresimler)

15 aprel 2021, 18:31

On yıl evelsi qırımlı etnograf ve kollektsiyacı sudaqlı İbraim İbragimovnıñ qoluna bir tüyreviç tüşti. Qırımtatar turmuşınıñ tarihınen meraqlanması böyle başladı.

Vaqıt keçkeninen İbraim İbragimov evinde qırımtatar turmuşınıñ müzeyini yapmağa qarar berdi. Şimdi mında musafirler kelip, qırımtatarlar bir qaç asır evelsi nasıl yaşağanını köre.

Bundan ğayrı, İbraim İbragimovnıñ ev-müzeyine kelgen musafirlerge qırımtatarlarnıñ qave ananeleri aqqında tarif eteler ve merasimler keçireler.

Qırım.Aqiqat, İbraim İbragimovnıñ Sudaqtaki ev müzeyini ziyaret etip foto çıqardı.

Daa kostermek Show less

Müzey XIX asırnıñ odası, evelden qırımtatarlarnıñ evlerinde musafir odası olğan tarzda yapılğan. Sofra başında qonaqbay, müzey saibi İbraim İbragimov otura — 1 Müzey XIX asırnıñ odası, evelden qırımtatarlarnıñ evlerinde musafir odası olğan tarzda yapılğan. Sofra başında qonaqbay, müzey saibi İbraim İbragimov otura

Elinde kollektsiyasınıñ temeli olğan tüyreviçni tuta — 2 Elinde kollektsiyasınıñ temeli olğan tüyreviçni tuta

Oda evde nağışlanğan toqumalarnen donatılğan. Bu nağışlarnı qırımtatar qızları ciyezine azırlay edi. Raflarda baqır savut tura, «gügümler» – evel zamanlarda olarnen çeşmelerge bara ediler — 3
Oda evde nağışlanğan toqumalarnen donatılğan. Bu nağışlarnı qırımtatar qızları ciyezine azırlay edi. Raflarda baqır savut tura, «gügümler» – evel zamanlarda olarnen çeşmelerge bara ediler

İbraim İbragimovnıñ aytqanına köre, bu beş eski taşlı yüzükni tüyreviçke deñiştirgen edi, soñra ise o, kene oña qayttı — 4 İbraim İbragimovnıñ aytqanına köre, bu beş eski taşlı yüzükni tüyreviçke deñiştirgen edi, soñra ise o, kene oña qayttı

Müzeyde bir çoq aşhane eşyası bar, meselâ, çığırıqlar — 5 Müzeyde bir çoq aşhane eşyası bar, meselâ, çığırıqlar

Bir qaç yıldan berli İbraim İbragimov erkek ve qadınlarnıñ milliy qıyafetlerini toplay. Bazı parçalar yoq, dep ayta.  Fotoresimde – qırımtatar milliy ayaqqabı, erkek ve qadın çifti — 6 Bir qaç yıldan berli İbraim İbragimov erkek ve qadınlarnıñ milliy qıyafetlerini toplay. Bazı parçalar yoq, dep ayta.

Fotoresimde – qırımtatar milliy ayaqqabı, erkek ve qadın çifti

Bu kelinniñ quşağı. Toy onsız olmay edi — 7 Bu kelinniñ quşağı. Toy onsız olmay edi

Ev müzeyindeki setlerde toban tolu toqumalı yastıqlar tura. Yiplerni boyalamaq içün tek ösümlik boyaları qullanılğan edi — 8 Ev müzeyindeki setlerde toban tolu toqumalı yastıqlar tura. Yiplerni boyalamaq içün tek ösümlik boyaları qullanılğan edi

Kollektsiyacı, bir çoq şeyni oña saqlap qalmaq içün ketireler, dep ayta. Meselâ, bu yüzük. 300 yıldan eskidir — 9 Kollektsiyacı, bir çoq şeyni oña saqlap qalmaq içün ketireler, dep ayta. Meselâ, bu yüzük. 300 yıldan eskidir

Bu boyuncaq 200 yıldan daa eskidir. İbragimov olarnı yañıdan tizdi — 10 Bu boyuncaq 200 yıldan daa eskidir. İbragimov olarnı yañıdan tizdi

Ev müzeyinde İbraim İbragimov musafirler içün qave merasimlerini ötkere — 11 Ev müzeyinde İbraim İbragimov musafirler içün qave merasimlerini ötkere

Çoq şey qullana ve qaveni milliy savutta bere — 12 Çoq şey qullana ve qaveni milliy savutta bere

Bu ise eski cezve – kömürde qave pişirmek içün kerek. Cezveni kömür üstünde qolay tutmaq içün uzun ve sapı qıyışıq qolu bar — 13 Bu ise eski cezve – kömürde qave pişirmek içün kerek. Cezveni kömür üstünde qolay tutmaq içün uzun ve sapı qıyışıq qolu bar

Turmuş eşyaları, urba ve ilvanlardan ğayrı, İbragimovnıñ müzeyinde para kollektsiyası bar. Meselâ, hanlar devrinden qalğan beş kapik — 14 Turmuş eşyaları, urba ve ilvanlardan ğayrı, İbragimovnıñ müzeyinde para kollektsiyası bar. Meselâ, hanlar devrinden qalğan beş kapik

Ev kirişinde ziyaretçilerni Arbek lağaplı köpek qarşılay. Musafirlerge alışqan — 15 Ev kirişinde ziyaretçilerni Arbek lağaplı köpek qarşılay. Musafirlerge alışqan

Facebook Forum

Başına qaytmaq

XS

SM

MD

LG