Bu aqta onı tahqiqat izolâtorında ziyaret etken advokat Svetlana Oleksenko «Qırım birdemligine» tarif etti.
İbragimovnı Novoçerkassktaki SİZO №3-ke avuştırmağa azırlanalar. O, bir qaç kere muracaatta bulunıp, tuvğanlarınen körüşe bilmek içün izin berilmesini rica etken, ariza bergen edi, amma cevap öyle de kelmedi.
Qırımtatarınıñ tarif etkenine köre, odasını diger mabüslernen paylaşa – özleri temizlik yapa. SİZO hadimleri mabüslerniñ din baqışlarına emiyet beremi bilmey, apis aşını aşamay, öz aşlarnı yaşay. Suvnı içmek içün onı filtrden keçire.
İbragimov tek köksünde ağrı olğanda ekimge muracaat etken edi. Kardiogramma yapıp, qan basımını baqqanlar ve ilâc bergenler. Başqa sağlıq şikâyetleri olmadı, dep qayd ete advokat Oleksenko.
2020 senesi iyülniñ 7-nde Rusiye uquq qoruyıcıları yedi qırımtatarını tuttı: Emil Ziyadinov, İsmet İbragimov, Zekirya Muratov, Vadim Bektemirov, Alim Sufyanov, Seyran Hayretdinov mahkemede apiske alındı ve Aqmescit tahqiqat izolâtorına avuştırıldı. 1-inci derece saqatı olğan Aleksandr Sizikov ev apsine alındı. Tutulğanlar Rusiyede yasaqlanğan «Hizb ut-Tahrir» diniy teşkilâtı ile alâqaları bar olğanında qabaatlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
