Habersiz ğayıp olğanlar arasında: İvan Bondarets, Valeriy Vaşçnük, Vasiliy Çernış, Timur Şaymardanov, Seyran Zinedinov, Eskender İbraimov, İslâm Cepparov, Cevdet İslâmov, Eskender Apselâmov, Fedor Kоstenko, Muhtar Arıslanov, Ruslan Gavniyev, Arlen Saliyev, Server Aliyev, İsmail Şemşedinov, Ablâzov E.Y., Gayday L.S., Pavlenko T.N.
"İşğal etilgen Qırımda insanlarnıñ zorbalıqnen ğayıp oluvınıñ sebeplerini ayırmaq qıyın. Zorbalıqnen ğayıp olğanlarnıñ qurbanları tek işğalge qarşılıq köstergen ya da içtimaiy-siyasiy faaliyet köstergen şahıslar degil. Cinayet işlegen, amma işğalciler tarafından insan aqları bozulğan bir çoq yerde tutulğan şahıslar da zorbalıqnen ğayıp ola bile. Meselâ, böyle şahıslarğa apiske alınuv sebepleri aqqında acele malümat berilmedi ve qabaatlavlar ilân etilmedi, mahkemege acele sürette ketirilmedi, saylağan advokatınıñ yardımını qullanmağa imkânları yoq edi, işkence neticesinde şaatlıq etmege ya da özüni qabaatlı tanımağa mecbur oldılar ve ilâhre", — dep qayd ete Yarosenko.
Qayd etilgenine köre, Ukrayina uquq qoruyıcı organları Qırımda insanlarnıñ ğayıp oluvlarını tahqiq ete. Malüm olğan malümatqa köre, hırsızlavlarğa "Qırım samooboronası" qanunsız silâlı birleşmesiniñ iştirakçileri, Qırımdaki sabır SBU hadşmleri, RF FSB, RF politsiyası ve RF naqliye militsiyasınıñ sabıq hadimleri alâqası ola bile.
Yaroshenkonıñ aytqanına köre, buna baqmadan, semereli tahqiqatqa ükümetniñ Qırım üzerinde nezareti olmağanı, qoranta ya da şaatlarnıñ kontrol altında olğan topraqlarğa barıp olamağanları ve olarnıñ telükesizligi içün qorquları mania ola.
Şimdilik Qırımda qaçırılğan şahıslarnıñ ölü tapılğanı aqqında 6 adise aqqında belli.
İşğal etilgen Qırımda 2024 senesiniñ başından 92 insan siyasiy sebeplerden apiske alındı, 46-sı — qırımtatar. Bu aqta Qırımtatar resurs merkeziniñ idare yolbaşçısı Eskender Bariyev "Qırımda insan aqlarınıñ bozuluvı talilini 2024 senesiniñ birinci yarısında" taqdim etkende bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
