Qırımda işğal devamında «Ukraina vatandaşlarınıñ siyasiy sebeplerden taqip etilüvi neticesinde apiske aluv aqqında 522 qanunsız qarar» çıqarıldı, dep haber ete Qırım aq qorçalayıcı gruppası.
«Eñ çoq qarar Aqmescitniñ Kiyev rayon mahkemesinde ve Qırımnıñ Yuqarı mahkemesinde çıqarıldı – 224 ve 138. Apiste tutuv qararlarını eñ çoq çıqarğan qadılar: Viktor Mojelânskiy – 41, Mihail Belousov – 36, Denis Didenko – 25, Oleg Lebed – 20, Andrey Dolgopolov – 19», – dep aytıla haberde.
İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.
