Link açıqlığı

Qırım işğalininiñ birinci künleri Qırım Muhtar Cumhuriyetiniñ Nazirler Şurası binası yanında bir özü piket ötkerip ğayıp olğan Reşat Ametovnıñ ölüm sebebi belli oldı, dep yaza «15 minut».

Onıñ doğmuş ağası haber agentligine bergen malümatqa köre, Reşatnıñ közüne sançqan, kesken bir şey sapladılar. Onıñ aytqanına köre, militsiyanıñ taqiq neticeleri alâ daa yoq.

«Onı kim tuttı, kim öldürdi belli degil», – dep ayta er kişi.

Mart ayınıñ başında 39 yaşında Reşat Ametov Qırım Muhtar Cumhuriyetiniñ Nazirler Şurası qarşısında Qırım işğaline qarşı piket ötkerip, arbiy urbağa kiyingen bellisiz adamlar tarafından tutıldı. On künden soñ onıñ cesedini Qarasuvbazar rayonınıñ Ortalan (Zemlâniçnoye) köyünde taptılar.

Taqiq işleri zornen alıp barıla. Prokuratura arizanı aprelniñ 2-de qabul etti.
XS
SM
MD
LG