Link açıqlığı

Al-azırda Qırımnıñ sanatoriy-kurort kompleksiniñ obyektleri 37% toludır, dedi Qırımnıñ kurort ve turizm «naziri» Yelena Yürçenko, dep haber ete Kelzlev şeer şurasınıñ matbuat hızmeti.

«Keçken sene kibi olmasa bile, amma kurort mevsimi episi bir olur. Tahminen iyün 20-25 künleri raatlanıcılarnıñ sayısı artacaqtır»,– dedi Yürçenko.

Onıñ sözlerine köre, esas mesele – turistlerniñ yarımadağa ketirilüvi. Aqmescit ava limanı künde 2 biñ yolcunı qabul ete bile, amma imtiyazlı aviabiletlerni Rusiyeniñ er bir şeerinde almağa imkânsız.

Qırım işğali sebebinden qıtaiy Ukraina sakinleri Bulğaristan, Gürcistan, Türkiye, Yunanistan, Hırvatistan ve İspaniya kurortlarını saylaylar. Sorav neticesinde belli oldı ki, bu sene Qırımnı rusiyelilerniñ tek 3% ziyaret etmege niyetlene.
XS
SM
MD
LG