Link açıqlığı

İşğal etilgen Qırımda saqlanğan sabıq halq deputatı Tsarövnıñ tutıluvı içün yarım million dollar bereler


Dnepropetrovsk vilâyetiniñ gubernator muavini Bоris Filatov Dnepropetrovsk vilâyetiniñ milliy mudafaa ştabı separatist Oleg Tsarövnı tutqan ve militsiyağa yollağan insanğa 500 biñ dollar berecegini ayttı.

Bunı o öz Facebook saifesinde bildirdi.

Filatovnıñ sözlerine köre, Tsarövnı Ukraina Cinaiy Kodeksiniñ 109 maddesiniñ 3-ünci qısmı, 110 maddesiniñ 2-nci qısmı boyunca cinayetlerde qabaatlaylar.

Hatırlatamız, Salı künü Ukraina Yuqarı Şurası tarafından vekâletlerinden marum qalğan Oeg Tsaröv Rusiye matbuat vastalarına Qırımda saqlanğanını tarif etti.

«Men şimdi Qırımdam», – dedi Tsaröv RİA Novosti Rusiye agentligine.

İşbu vaziyette onıñ ilerideki areketleri nasıl olacaq degen sualge o: «Şimdiki akimiyet ile küreşecem. Öz planlarımnı deñiştirmeycem», – degen cevabını qaytardı.

Salı künü, iyün 3-de, halq deputatları Tsarövnı cinaiy mesülietke çekmek içün qarar aldılar.

Bundan da ğayrı parlament Tsarövnıñ yaqalanuvına ve oña nisbeten apis cezasınıñ kirsetüvine qol tuttı.

Parlament toplaşuvında baş prokuror vazifelerini eda etken Oleg Mahnıtskıy qayd etkeni kibi, deputat Tsaröv 2014 senesi mart-aprel müddeti devamında açıq aydın sürette, matbuat vastalarınıñ yardımı ile, akimiyetiniñ zorbalıqnen deñişüvine ve Ukraina anayasa nizamınıñ yoq etilüvine çağıra edi.
XS
SM
MD
LG