Link açıqlığı

Qırımnnı Malıy mayak qaabasında mayıs 23 künü «Krımskiye tulumbası – 2014» kazak medeniyetiniñ halqara festivali keçirilecek.

Bunı Qırım «akimiyeti»niñ matbuat hızmeti bildire.

Festival programmasında – «Zaporojye kazakları» at teatriniñ çıqışı, qılıç ile qullanuv ustalığınıñ numayışı, at üstünde yürüv ve cigitlikniñ sanatı. Bundan da ğayrı, kazak aletleriniñ sergisi taqdim etilecektir.

Mayıs 16 künü Qırımnıñ öz başına tayinlengen baş naziri Sergey Aksönovnıñ Qırımda iyün 6-na qadar kütleviy tedbirlerniñ keçirilmesini yasaqlağan «emri» çıqtı. Bu sebepten qırımtatar milliy Meclisi mayıs 18 künü Aqmescit merkeziy meydanında sürgünlik qurbanlarınıñ hatırasına bağışlanğan adetiy matem mitingni keçirip olamadı.

Bunıñnen beraber mayıs 23 künü keçirilmei planlaştırılğan Bekir Çoban-zade adına «Bekir Çoban-zadeniñ dünyası» adlı ilmiy konferentsiyası da keçirilmedi.

QHA agentliginiñ bergen malümatına köre, emirge baqmadan, mayıs 19 künü Çufut-Qalede karaimler toplandı, iyün 6-na qadar ise «Milliy Firqa» azaları Çatır Dağğa köterilecek olalar.
XS
SM
MD
LG