Rusiye işğal etken Luganskta patlavlar oldı. RİA «Novosti» Rusiye tayin etken şeer akimiyetiniñ malümatına esaslanıp haber etkenine köre, «Ukrayına Silâlı quvetleri açqan ateşten soñ» çoq qatlı evniñ bir qısmı yıqıldı.
Rusiye akimiyetiniñ malümatına köre, eñ az altı ATACMS qullanıldı. 22 insan yaralandı. Beş qatlı evniñ altında insanlar qala, Rusiye Fevqulâde vaziyetler nazirligi çalışa. Can bergenler aqqında malümat yoq.
Mash Rusiye Telegram kanalı şaatlarnıñ malümatına esaslanıp yazğanına köre, snarâdlar beş qatlı binağa, 16 qatlı ev ve aphanege tüşti. Şeerde bağ ve ışıq qısmen yoq.
Ukrayına tarafı ateşnen alâqaları aqqında qabaatlav haberlerini izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
