Link açıqlığı

Keriçte yanğınlar mevsimi başlandı. Qırım.Aqiqat mühbiriniñ malümatına köre, mayıs 18-de İndustrial şosseniñ yanında quruğan ot ve qamış alanında yanğın yüz berdi.

Neticede doquz qatlı evlerniñ sakinleri pencereden yelnen kirgen tumandan boğulıp başladılar. Maşina ve marşrutka aydavcıları yolnı qavrap alğan tütün perdesinden keçmege mecbur oldılar.

Er yıl yanğan qamış tütüninden yüzlernen adam zarar köre. İçtimaiy ağlarda tuman qaplav alğan rayonlarnıñ fotoları sıq-sıq yerleştirile.

Yanğın havfı bar olğanına baqmadan kommunal hızmetleri qamışlarnı çıqarmay.

Mayıs ayınıñ ortasından başlap Keriçteki çöl rayonlarında yanğınlar sıq-sıq yüz bere. Bu problemni er yıl yerli kütleviy haber vastaları aydınlata, lâkin yerli akimiyet onı çezmey.
XS
SM
MD
LG