Ukraina medeniyet ve haber siyaseti nazirligi içtimaiy ağlarda Qırım mevzusında fleşmobnıñ teşebbüsçisi ola.
Nazirlikniñ matbuat hızmeti bildirgeni kibi, informatsion kampaniyanıñ maqsadı - Qırımnı yañıdan kün terkibine qaytarmaq, er ukrainniñ añında onıñ suretini canlandırmaq, yarımadanıñ medeniyetini inkişaf ettirmek ve desteklemektedir.
Kampaniya televizionda ve içtimaiy ağlarda ukrainlerniñ Qırımnen bağlı hatıralarıni bölüşkenleri qısqa video ve intervyülernen başlandı.
Devamı, "Ukrayinska pravda" saytında ve "#завжди_у_серці" heşteginen içtimaiy ağlarda bir fleşmob olğan mahsus bir leyha olacaq, mında ukrainler yarımadağa dair ikâyelerinen paylaşacaq. Soñunda bunıñ episini bir menbaada toplarlar.
