Link açıqlığı

İçki işler nazirligi Ukraina toprağında, hususan separatizmni yoq etmek içün mahsus işler alıp barılğan vilâyetlerde – Donetsk, Lugansk, Harkovta vaziyet ve kütleviy tertipsizlikniñ aselet meydanğa ketirüvine cevap berecektir.

Bu aqta malümat içki işler nazirliginiñ cemaat ve siyasiy teşkilâtlarğa olğan muracaatında bildirile.

«İçki işler nazirligi Ukraina toprağında vatandaşlarnıñ yaşağan regionlarına, milliy, siyasiy nazarlarına baqmadan, vatandaşlıq mevamınıñ barışıq bildirüvine qol tuta», – dep aytıla beyanatta.

Bunıñnen beraber, teşkilât ve firqalarnı, insan birleşmelerni «soqaqlardaki silâlı insanlarnı açuvlatmamaq, zorbalıq ve tecavuziy areketlerge celp etmemek, çatışmalardan qaçınmağa» çağırdılar.

İçki işler nazirligi şunı da qayd etti ki, kütleviy tertipsizliklerniñ teşkil etüvi Cinaiy kodeksiniñ ciddiy maddelerine aittir: böyle cinayet içün 5-8 yılılq, eger de iştirakçilerden birisi elâk olsa, teşkiyaltçı 8-15 yılılq apis cezasına oğray bile.

Bugün gece separatistler Donetsk prokuraturasını basmağa tırıştılar, militsiya bölüklerinden birisini ise zapt ettiler.
XS
SM
MD
LG