Azatlıq Radiosınıñ saytı blok etilgen territoriyalar içün bağlantı
Rusiye baş nazir muavini Marat Hunsullin iyülniñ 30-nda Qırımğa ziyareti vaqtında Azaq deñizi altıdan çıqarılğan ilk temiz suv partiyası aqqında ilân etti.
«Bugün, Azaq deñizinden ilk temiz suv partiyası çıqarılğanı aqqında malümat aldıq. Şimdi onıñ keyfiyeti teşkerile», – TASS agentligi Hunsullinniñ aytqanlarında alıntı ketire.
Rusiye baş nazir muavini, Qırım «kuratorı» Marat Hunsullin, Azaq deñizi altından suv çıqarmaq içün quyular yaznıñ ortasında qazılacaq, dep bildirdi.
Rusiye prezidenti Vladimir Putinniñ fikirince, Qırımda tatlı suv yete. Onıñ aytqanına köre, Qırımğa yaqın suvlarda, Azaq deñizi altında yedekler bar.
Azaq deñizinde tatlı suv yedeklerini tapmaq içün Rusiye 70 million rubley masraf etecek ola.