Saatnıñ esas haberi

Hunsullin iyül ayında Azaq deñizi altından suv çıqarmaq içün quyular qazılacağını ilân etti

Marat Husnullin
Marat Husnullin

Rusiye baş nazir muavini, Qırım «kuratorı» Marat Hunsullin, Azaq deñizi altından suv çıqarmaq içün quyular yaznıñ ortasında qazılacaq, dep bildirdi. Bunı o, Qırımğa ziyareti vaqtında jurnalistlerge ayttı.

«Şimdi geofizika ve keşfiyat işlerni yapqan eki gemi kirdi. Bellesem, iyül ayında quyularnı endi qazıp başlaycaqmız. Suvnı tapacağımızğa pek ümüt etemiz. Suv anda bar. Amma ne qadar, bu başqa sual. Bütün yarımadanı suvnen temin etmek içün yeterlimi, yoqmı?», – «Krıminform» Hunsullinniñ aytqanlarından alıntı ketire.

O, «tapılğan suvnıñ tehnikiy ihtiyaclar içün qullanıla bilecegini». bildire.

«Belde quyu açtıq. Daa yalı yanında suv taptıq. Suv bar. Keyfiyeti, tuzludır. Amma tehnikiy ihtiyacalar içün qullanıla bile», – dedi o.

Rusiye prezidenti Vladimir Putinniñ fikirince, Qırımda tatlı suv yete. Onıñ aytqanına köre, Qırımğa yaqın suvlarda, Azaq deñizi altında yedekler bar.

Azaq deñizinde tatlı suv yedeklerini tapmaq içün Rusiye 70 million rubley masraf etecek ola.

​
XS
SM
MD
LG