Human Rights Watch uquq qoruyıcı teşkilâtı İsrail arbiyleri oktâbrniñ 10-nda ve 11-nde Gaza ve Lübnannıñ bombardımanı vaqtında beyaz fosfornı qullanğanını belgiledi.
Teşkilât video çekişleri ve şaatlarnıñ ifadeleri esasında bu neticege keldi. Hususan da, AFP agentligi Gazada yapqan fotoresimlerde kökte beyaz sızıqlarnı körmek mümkün.
Uquq qoruyıcılarnıñ fikrince, Gazada beyaz forsfornıñ qullanması adiy eiali içün telükeli ve halqara gumanitar uquqnıñ talaplarınıñ bozuluvıdır.
Beyaz fosfor oksigen ile alâqağa kirgende qoyu beyaz tütün çıqara. Bu madde bazıda arbiyler tarafından bölgelerni belgilemek içün qullanıla. O yanıqlarğa sebep ola bile, insanlarnıñ çoq olğan yerlerde ise olar içün pek telükeli ola bile.
İsrail arbiyleri Reuters agentligine "al-azırda Gazada içinde beyaz fosfor olğan silânıñ qullanmasından haberdar olmağanlarını" bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
