Zagrebde "Qırım platforması" parlament sammitiniñ muzakere programması başlandı.
Teşkilâtçılarnınh qayl etkeni kibi, tedbirniñ maqsadı "işğal etilgen Qırım yarımadası ile bağlı müim meselelerni aydınlatmaqtır, yani: Rusiye ve Rusiye vazifedar şahıslarınıñ işğal etilgen Qırımda yapqan halqara cinayetleri içün mesülietke celp etilmesi istiqballeri, Qırım işğalden azat etilgen soñ kelecek reintegratsiya meseleleri, Horvatiyanıñ topraqlarınıñ reintegratsiya tecribesi ve kelecekte ukrayin aqiqatında qullanuv imkânları".
"Bu mürekkep meselelerniñ muzakeresinde Ukrayina memurları ve ekspertleri ve Horvatiya vatandaş cemiyetiniñ temsilcileri ve muvafıq tecribege malik keçmiş ükümet azaları iştirak etecekler", - dep yazıla bildirmede.
"Qırım platforması" parlament sammitiniñ umumiy toplaşuvı yarın saba oktâbrniñ 25-nde başlanacaq
Avgustnıñ 23-nde bu yıl Rusiyeniñ Ukrayınağa qarşı büyük istilâsından soñ online şekilde «Qırım platformasınıñ» ekinci sammiti keçirildi.
Ukrayina prezidenti Volodımır Zelenskıy «Qırım platforması» sammitini açıp, qırımlılarğa Ukrayina akimiyeti Qırımğa «kesen-kes qaytacaq», dep ayttı.
«Qırım platforması» – Ukrayinanıñ teşebbüsinen qurulğan halqara mesleat-koordinatsion formattır. Onıñ maqsadı Qırım işğaline qarşı halqara cevap semereligini arttırmaq, telükesizlik havflarınıñ artmasına cevap bermek, Rusiye Federatsiyasına qarşı halqara basqını quvetleştirmek, insan aqlarınıñ bozuluvına yol bermemek ve Rusiye rejiminiñ qurbanlarını qorumaq, em de esas maqsadı Qırımnı işğalden azat etip, Ukrayinağa keri almaqtır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
