Siyasiy mabüs "ZonaTelekom" bağınen qorantasına telefon etip, al-azırda Rusiyeniñ Qazan şeerindeki 19-nci SİZO-sında bulunğanını bildirdi. Avgustnıñ 3-nde onı Rusiyeniñ Mariy El şeerindeki sert rejimli koloniyasına etapnen yollamaqnı planlaştıralar.
"Bugün anamnen babamnı çoq vaqıtlardan berli ilk sefer kördik. Onı Vladimir şeeriniñ apishanesinden çıqardılar, anda eki yıl ve bir buçuq ay tuttılar. O, apiste bulunğan oğlu Riza içün de pek qasevetlene edi", — dep tarif etti Fatma İsmailova.
Omerovlar baba ve oğul 2019 senesi iyünniñ 10-nda tutuldı. Qırımtatarlar Rusiyede 2003 senesinden berli yasaq etilgen "Hizb ut-Tahrir" siyasiy islâm firqasınıñ faaliyetinde iştirak etkeninde ve teşkil etkeninde qabaatlana.
2020 senesi yanvarniñ 12-nde Rostov-na-Donu Cenübiy okrugınıñ arbiy mahkemesi Enver Ömerovnı 18 yılğa, Ayder Cepparovnı 17 yılğa, Riza Ömerovnı 13 yılğa üküm etti. Advokatlar ükümge qarşı istinaf şikâyetini berdi. 2022 senesi martnıñ 10-nda istinaf mahkemesi birinci instantsiya qararını tasdıqladı.
2019 senesi iyülniñ 18-nde Avropa parlamenti Rusiyeni bütün ukrayinalı siyasiy mabüslerni, şu cümleden bu cinaiy davanıñ mabüslerini azat etmege çağıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
