Link açıqlığı

Saatnıñ esas haberi

Ükümniñ istinafı: Bağçasaraydaki «Hizb ut-Tahrir davası» mabüsleriñ imayesi qadılarnı red etti


Dava mabüsi Memet Belâlov 18 yılğa üküm etildi
Dava mabüsi Memet Belâlov 18 yılğa üküm etildi

Bağçasaraydaki ekinci «Hizb ut-Tahrir davası» boyunca mahküm etilgen mabüslerniñ imayesi Rusiyedeki mahkeme oturışuvında noyabrniñ 25-nde ükümge qarşı istinaf baqılğanda qadılarnı red etti.

Bu aqta «Qırım birdemligi» birleşmesi Qırım.Aqiqatqa bildirdi.

Berilgen malümatqa köre, Edem Smailovnıñ advokatı qadılarnı red etti.

«Daa evel bazı qadılar sıñırlav tedbirine qarşı istinaf şikâyetini baqqan edi. Edem ağa qadılar peşin fikirli olğanını tüşündi», – dep tarif etti Emil Kurbedinov.

İmaye tarafı Rusiye kontrolindeki Qırım garnizon arbiy mahkemesiniñ oturışuvında videokonferentsiya bağı vastasınen iştirak ete. Mabüsler Rostov-na-Donu şeeriniñ SİZOsından videokonferentsiya vastasınen iştirak ete. Oturışuv neticeleri daa belli degil.

Rusiyeniñ Rostov-na-Donu şeerindeki Cenübiy okrugınıñ arbiy mahkemesi sentâbrniñ 16-nda Bağçasaraydaki ekinci «Hizb ut-Tahrir davası» boyunca üküm çıqardı. Marlen Asanov 19 yıl sert rejimli koloniyada, Memet Belâlov 18 yıl sert rejimli koloniyada, Timur İbragimov 17 yıl sert rejimli koloniyada, Seyran Saliyev 16 yıl sert rejimli koloniyada qalmasına üküm etildi. Ernes Ametov qabaatsız tanılıp, mahkemede azat etildi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG