Bu aqta "Qırım birdemligi" haber ete.
Qırımlınıñ apayı ve qızı bildirgenine köre, oña ameliyat kerek.
"Ameliyatqa muhtac olğan muayyen bir hastalığı bar. Serbest olğanda bu ameliyatnı yapıp olamadı. Şimdi bildim ki, mında cezahaneden kelgen hastahane bar, anda ameliyat yapalar, baqalar. Bu yahşı bir şey kibi körüne... Vladimirde o qorqqan edi, çünki hastahane ile bağlı tefsirler yahşı degil edi", — dep tarif etti Fatma İsmailova, babasınıñ diagnozını aydınlatmayıp.
Omerovlar baba ve oğul 2019 senesi iyünniñ 10-nda tutuldı. Qırımtatarlar Rusiyede 2003 senesinden berli yasaq etilgen "Hizb ut-Tahrir" siyasiy islâm firqasınıñ faaliyetinde iştirak etkeninde ve teşkil etkeninde qabaatlana.
2020 senesi yanvarniñ 12-nde Rostov-na-Donu Cenübiy okrugınıñ arbiy mahkemesi Enver Ömerovnı 18 yılğa, Ayder Cepparovnı 17 yılğa, Riza Ömerovnı 13 yılğa üküm etti. Advokatlar ükümge qarşı istinaf şikâyetini berdi. 2022 senesi martnıñ 10-nda istinaf mahkemesi birinci instantsiya qararını tasdıqladı.
2019 senesi iyülniñ 18-nde Avropa parlamenti Rusiyeni bütün ukrayinalı siyasiy mabüslerni, şu cümleden bu cinaiy davanıñ mabüslerini azat etmege çağıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
