SİZOda tutulğan "Hizb ut-Tahrir davası"nıñ iştirakçisi Akim Bekirovnıñ avgust 9-ında oğlu doğdı. Bunı "Qırım balalığı" teşebbüsiniñ Facebook saifesinde haber eteler.
"Siyasiy mabüs, ekinci Aqmescit "Hizb ut-Tahrir davası"nıñ iştirakçisi Akim Bekirovnıñ oğlu doğdı! Bu, qorantada ekinci bala. Biz can-yürekten Akim ve Sabriyeni hayırlaymız. Akim ömür arqadaşı ve balası yanında degil. Onı eline alıp olamay. Amma biz inanamız ki, bu vaqtınca ayırılıq", - denile beyanatta.
Martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen 24 insan tutuldı.
