"Hizb ut-Tahrir davası" iştirakçisi Teymur Abdullayevniñ (birinci Aqmescit gruppası) qadını Alime Abdullayeva, o, aqayınen körüşüvde qırımtatarca laf etkeni içün, Rusiye SİZOsınıñ hadimleri körüşüvni qısqarttı, dep ayta. Bunı "Qırım birdemligi" cemiye birleşmesi haber ete.
Körüşüv avgust 23-ünde edi. Teymur Abdullayev aytqanına köre, ruhset berilgen eki saat yerine, olar sadece bir saat qonuşıp oldı.
"Aqayımnen körüşüv daat 13:00 olacaq edi. SİZOğa meni bir on beşte çağırttılar. 10 daqqadan camğa taqıldatıp, Teymur laf arası qırımtatar sözlerini qoşqanı içün ihtar ettiler. Ekinci kere, 15 daqqadan soñ, menim tarafıma bir qız kirip, biz rus tilinde laf etmegenimiz içün körüşüvni şimdi toqtatır, dep ayttı",- ikâye ete qadın.
Alime Abdullayeva, laqırdı bütünley qırımtatarca olmadı, sadece bir qaç laf-ibere qoşuldı, dep qoşa.
Başqa menbalardan qadın sözleriniñ tasdıqı yoq.
Temur Abdullayev, birinci Aqmescit "Hizb ut-Tahrir davası"nıñ iştirakçisidir. 2019 senesi iyün 18-inde Şimaliy Kavkaz arbiy bölge mahkemesi onı şiddetli rejim koloniyasında 17 yıllıq apis müddetini maküm etti.
