104-ü – tamır qırımtatar halqınıñ vekilleri. 84-ü Rusiye apishane ve koloniyalarında ceza çeke, 19-ı SİZOda buluna, 1-i ev apsinde buluna ve 3-ü azat etildi.
Yarımada işğali vaqtında «Hizb ut-Tahrir» davasınen alâqası olğan qırımtatarlar 17 kere tutuldı.
«Bu «davalarda» qabaatlavlar «gizli şaatlarnıñ» malümatına ve Rusiye FSBsi ile faal işbirligi yapqan «ekspertlerniñ» hulâsalarına esaslana. Yekâne «delil» – tintüvler vaqtında tapılğan yasaqlanğan islâm edebiyatı, FSBniñ operativ malümatı ve ses qaydları, anda mabüsler diniy ve siyasiy mevzularda subetler keçirdi, dep qayd etilgen eken. Faaller Rusiyede yasaqlanğan ve çoqusı dünya memleketinde sıñırlanmağan «Hizb ut-Tahrir» teşkilâtınıñ faaliyetinen alâqalarında qabaatlana», – dep qayd etti Qırımtatar Resurs Merkezi.
Anda Rusiye qanunlarını siyasiy maqsadlarında, hususan qırımtatarlarnıñ zorbalıqsız küreşini ve Qırım işğaline qarşı narazılığını bastırmaq içün qullana, dep qoşalar.
«Bundan ğayrı, işğalciler «Hizb ut-Tahrir» mabüslerine qarşı repressiyalarnı quvetleştire, apis cezalarını 19 yılğa qadar arttıra, ilk ceza yıllarını apishanelerde yapa, siyasiy mabüslerni cedvelge ala», – dep qayd ete Qırımtatar Resurs Merkezi.
Qırımtatar Resurs Merkezi malümatına köre, işğal vaqtında siyasiy mabüs ve siyasiy sebeplerden taqip etilgenlerniñ sayısı 307 oldı. 206-sı qırımtatarı ola.
Ukrayına prezidentiniñ Qırım Muhtar Cumhuriyetindeki temsilciligi fevralniñ 5-ne qadar rusiyeliler Qırımda 208 insannı qanunsız şekilde mahküm etkenini bildirgen edi, olarnıñ arasında 125 qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
