Link açıqlığı

Saatnıñ esas haberi

Dünya hicap künü: Kyivde musulman qadınlar qadın-qızlarğa çeçek bağışladı


Kyivde Dünya hicap künü, 2022 senesi fevralniñ 2-si
Kyivde Dünya hicap künü, 2022 senesi fevralniñ 2-si

Kyivniñ merkezinde fevralniñ 1-nde hicap kiygen musulman qadınlar qadın-qızlarğa çeçek berdi. Bu şekilde qışnıñ soñki ayınıñ ilk künü qayd etilgen Dünya hicap kününe diqqat celp etmege tırıştı. Aktsiyanı Ukraina musulman qadınları birligi teşkil etti, onıñ faalleri de iştirak etti. Teşkilât, böyle tedbirler tek Kyivde keçirilmey, dep qayd etti.

Fevralniñ 1-nde Dünya hicap künü qayd etile, maqsadlarından biri – qadın-qızlarnıñ hicap kiyuv aqqına qoltutmaqtır. Bu künni 2013 senesi qayd etip başladılar. Hicap kününen bağlı tedbirler er yıl 140 memlekette qayd etile.

Kyivde Dünya hicap künü, 2022 senesi fevralniñ 2-si
Kyivde Dünya hicap künü, 2022 senesi fevralniñ 2-si

Bayram ğayesi Nazmi Khan adlı musulman qadınğa aittir. Onıñ qorantası Bangladeşten ABDge köçip, diniy baqışlarından vazgeçmedi. Hicap kiygen qadınnı cemiyet añlamağan edi. Şu sebepten o, hicap ikâyesi, ananesi ve doğru kiyuv aqqında tarif etmege qarar berdi. Soñra islâm aqqında menfiy yañlışlarnı yeñmek içün bayram yapmağa teklif etti.

Diniy qaidelerge köre, musulman qadın-qızları hicap kiymeli. Baş örtüsi eki parçadan ibarettir. Başta saçlarnı toplağan böne kiyile. Soñra – şal.

Kyivde Dünya hicap künü, 2022 senesi fevralniñ 2-si
Kyivde Dünya hicap künü, 2022 senesi fevralniñ 2-si

XS
SM
MD
LG