Herson şeeriniñ merekezinde tirevün quvetleri Ukrayina bayrağını köterdiler, dep haber etti Herson vilâyet şurasınıñ mebusı Sergiy Hlan.
Ukrayina arbiy komandanlığı şeerniñ azat etilmesini daa ilân etmedi. Amma içtimaiy ağlarda artıq şeerniñ soqaqlarında, hususan Şümensk mikrorayonında ukrayin arbiyleriniñ foto ve videoları derc etile.
"Kerçekten Hersonnıñ merkezinde vilâyet memuriyetiniñ binası yanında tirenüv arekettten ballarımız bayrağımıznı artıq asıp qoydı, bundan ğayrı olar üç renkli çullarnı alıp taşladılar. Şimdi Hersonnıñ sağ yalısınıñ, Herson şeeriniñ işğalden azat etilmesi ögümizde. Daa çoq işimiz bar", - dedi Hlan.
Onıñ bildirgenine köre, ruslarnıñ çoqusı o Dnipronıñ o tarafına ketip olamağan.
"Olar urbalarını deñiştireler, arbiy formasını taşlap keteler, adamlar arasında gizlenmege tırışalar. olar Hersonda provokatsiyalar daa yapacaqtırlar. Amma eñ esası olarnıñ büyük qısmı artıq yoq etilgen ya da Dnipronıñ sol yalısına keçken", - dep qayd etti o.
Bundan ğayrı Hlan Rusiye ordusı Antonov köprüni patlatqanı aqqında malümatnı tasdıqladı.
Rusiye ordusı Herson şeeri ve Herson vilâyetiniñ büyük qısmını Rusiyeniñ Ukrayinağa qarşı başlağan cenkniñ ilk künlerinde işğal etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
