Salı künü, fevralniñ 21-nde, işğal altındaki Herson vilâyetiniñ sol tarafından Rusiye ordusı Hersonğa kene ateş açtı. Ukrayına akimiyeti avtopark, mesken yerler, çoq qatlı bina, cemaat naqliyatınıñ durağına darbe endirildi, dep bildirdi. Bu darbeler neticesinde elâk olğan ve yaralanğan insanlar bar.
Herson vilâyetiniñ prokuraturası bildirgenine köre, eki kişi o yerde can berdi, qalğan eki insan hastahanege ketkende vefat etti. Esli-başlı bir qadın öz evinde elâk oldı. Umumen altı insan öldürildi.
21 insan yaralandı, aralarında 16 yaşında qız bar, mayın-patlayıcı yarası ve bet ve qol-ayaqlarınıñ parça yaraları çoq. Orta alda hastahanege alındı, dep haber etti vilâyetniñ arbiy memuriyeti.
Azatlıq Radiosınıñ «Novını Prıazovya» leyhasınıñ mühbiri ateş tüşken yerlerni ziyaret etti.
