«Tavrik Hersones» müzey qoruğı «şübheli nesne» tapılğanından sebep politsiya tarafından sarıp alındı.
Yanvarniñ 31-nde müzeyniñ matbuat hızmeti bildirgenine köre, nesne telükesizlik hadimleri tarafından 1935 senesiniñ Bazilika yerinde tapıldı.
Bu daqqaları müzey qoruğı «terrorizmge qarşı talimatqa köre» çalışa, dep bildirdi matbuat hızmeti.
Qırım.Aqiqat tafsilâtlı malümat almağa tırışa.
Tavrik Hersones Qırımnıñ cenübiy-ğarbiy yalısında qadimiy yunanlar tarafından quruldı. Al-azırda bu Aqyar toprağı sayıla. Eki biñ yıl devamında Hersones Şimaliy Qara deñiz sailleriniñ büyük siyasiy, medeniy, iqtisadiy merkezi oldı.
2014 senesine qadar çeşit memleketlerniñ talebe ve studentleri Hersonesteki eski şeylerni qazıp çıqarmağa kele edi. Yıl devamında 2-3 halqara konferentsiya keçirile edi. 2013 senesi Hersones UNESCO dünya mirasınıñ cedveline kirsetilgen edi. 2014 senesinden berli UNESCO müzey qoruğınıñ monitoringini keçirmey.
2018 senesi Aqyarnıñ Rusiye akimiyeti Hersones viranelerinde opera sanasını ve hocalıq inşaatlarını qurdı. Qadimiy divarlar altında yüksek voltlı kabel qoyulğan edi.
