Hersonda Rusiye ordusı açqan ateş neticesinde dekabrniñ 24-nde eñ az sekiz insan elâk oldı. Bu aqta Ukrayınanıñ Herson vilâyetiniñ prokuraturası haber etti.
Ukrayına prezidenti ofisiniñ yolbaşçı muavini Kırılo Tımoşenko yedi elâk olğan ve 58 yaralanğan kişi aqqında bildirdi, 17-siniñ alı ağır. Tımoşenko Telegram kanalında ücüm aqibetleriniñ fotoresimlerini derc etti. Qayd etilgenine köre, Hersonnıñ merkezine ateş açıldı. Fotoresimlerde zarar körgen evler ve yanğın körüne.
Qayd etilgenine köre, darbe toplu ateş raketa sistemasından endirildi.
Bundan evel, Ukrayına akimiyetiniñ malümatına köre, Herson vilâyetinde ücüm neticesinde beş yerli sakin elâk oldı, 17 insan yaralandı. Daa dört kişi Donetsk, Zaporijjâ ve Harkiv vilâyetlerinde elâk oldı.
Noyabr ayında Rusiye ordusı Hersondan çekilgen soñ şeerge ve Ukrayına akimiyeti kontrol etken vilâyet yerlerine ateş açıla.
Dekabrniñ 13-nde Herson vilâyetiniñ deputatı Sergey Hlan Azatlıq Radiosına izaat berip, Herson işğalden azat etilgende anda 80 biñ kişi yaşay edi – şimdi aman-aman 10 insan şeerden ketti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
