Ukrayina Prezidentiniñ Qırım MC-deki daimiy temisilciliginiñ Hersondaki ofisi üzerinde Ukrayina bayrağı yelpiremekte. Bunı müessiseniñ matbuat hızmeti haber etti.
"Azat etilgen Hersondaki ofisimizde Ukrayina devlet bayrağı yelpirey! Temsilcilikniñ taqımı "Femida" bölüginiñ arbiyi qırımlı Eduard Leonovğa teşekkürler bildire", - dep yazıla temsilcilikniñ bildirmesinde.
Ukrayina prezidentiniñ Qırım MC-deki temsilciliginde qayd ettiler ki, tezden Ukrayina barağı "azat etilgen Aqmescitteki ofis üzerinde yelpireycek" ve "Qırım Ukrayinadır".
Herson ve vilâyetniñ bir qısmı rusiye arbiyleri tarafından martnıñ başında işğal etildi. Noyabrniñ 11-nde Ukrayina Mudafaa nazirligi Herson Ukrayina ordusınıñ nezareti altına qaytqanını ilân etti. Şeerniñ merkezinde Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
