Herson vilâyeti arbiy memuriyetiniñ yolbaşçısı Yaroslav Yanuşeviç Hersondaki «küçlü ateşler» aqqında bildirdi, elektrik hatlarında kerginlik ketti.
«Hersonda elektrik hatlarında kerginlik yoq. Rusiye zaptçılarınıñ şeerge açqan küçlü ateşleri sebebinden», – dep yazdı o.
Onıñ aytqanına köre, «Hersonoblenergo» problemlerni çezmek içün çalışa.
Noyabrniñ 29-nda akimiyet Hersonda elektrik qullanıcılarnıñ yarısına berilip başladı, dep haber etti.
Noyabrniñ 11-nde Ukrayına Mudafaa nazirligi Herson Ukrayına ordusınıñ kontroline qayta, dep bildirdi. Rusiye arbiyleri vilâyet merkezi olğan Dnipronıñ sağ tarafından çekildi. Çekilgen soñ Rusiye arbiyleri şeerge muntazam sürette ateş etip başladı.
Noyabrniñ 21-nde vaqtınca işğal etilgen topraqlarnıñ reintegratsiya meseleleri naziri İrına Vereşçuk Herson sakinlerini qışqa tahliye olmağa çağırdı.
Bir sıra delil ve şaatlıqqa baqmadan, Moskva büyük istilâ başlağanından berli vatandaşlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
