Hersonda bala hastahanesine Rusiye tarafından açılğan ateş neticesinde doquz insan zarar kördi, dep bildirdi vilâyet prokuraturası.
"Tahqiqatnıñ malümatına köre, 2025 senesi orta küz ayınıñ 29-nda tahminen saat 9:20 duşman Hersonda bala hastahanesine top ateşini açtı. Şu vaqıt anda bala hastaları, ana-babaları ve tibbiyet hadimleri buluna edi. İlk malümatqa köre, 9 insan yaralandı, olarnıñ arasında dört bala ve üç tibbiyet hadimi. Zarar körgenlerniñ sayısı daa belli ola. Hastahane binasına bayağı zarar ketirildi, patlav dalğası yanında olğan binalarğa zarar ketirdi", — denile beyanatta.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
