Herson vilâyeti devlet memuriyetiniñ reisi Gennadiy Laguta martnıñ 3-nde Rusiye arbiyleri «Herson vilâyetiniñ devlet memuriyeti binasını bütünley aldı», dep bildirdi. Bu aqta Laguta Telegram kanalında yazdı.
«Lâkin vazifelerimzni qaldırmadıq. Yolbaşçılıq etken vilâyetniñ operativ ştabım çalışmağa devam ete ve vilâyet sakinleriniñ aktual meselelerini al ete. Gumanitar yardım bekleymiz. Lütfen, sahte malümatqa inanmañız ve telâşlanmañız. Operativ ştab işiniñ reglamentine köre çalışamız», – dep yazdı Laguta.
Martnıñ 2-nde Herson şeer yolbaşçısı İgor Kolıhayev yaralanğan ve öldürilgenlerni çıqarmaq, ilâc ve aşayt mahsulatını ketirmek içün «yeşil ayat» yapmağa çağırdı.
Ukrainada Rusiye ücüm etken soñ arbiy vaziyet ilân etildi (2022 senesi fevralniñ 24-ü saba saat 5:00-dan başlap 30 künge). Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
