Aman-aman 50 qırımtatarı Qırımdan kelip, Herson vilâyetiniñ Novoalekseyevka qasabasında Ukraina Prezidenti saylavlarında rey berdi.
Qırım.Aqiqat mühbiriniñ malümatına köre, qırımlılar tahminen yigirmi maşinadan ibaret kolonnanı tizip, saylav bölügine kelip çıqtılar. Saylav bölüklerine gençlerden ğayrı qartlar da keldi.
Qırımdan kelgen Niyara Abdullayeva qayd ete ki, onıñ bir çoq semetdeşi saylavlarda iştirak etmege istese de, er kesniñ qıtaiy Ukrainağa kelmek imkânı yoq.
«Bir çoq adam bugün mında olıp, bir de bir namzetke rey berecek, memleketniñ Avropa yönelişine ıntıluvlarına qol tutacaq edi. Lâkin, yazıq ki, er kes mında kelip olamay. Bazılarınıñ parası yoq, başqaları ise – siyasiy baqışlardan Qırımda zarar körmege qorqa», – dep añlattı Abdullayeva.
Hatırlatamız, bazar künü, mayıs 25-de, Qırım sakinleri prezident saylavlarında iştirak etmek içün qıtaiy Ukrainağa yol aldılar. Herson vilâyetiniñ Novoalekseyevka qasabasında qırımlılarnı yerli akimiyet ve yerli meclis vekilleri beklediler. Olar adamlarğa Ukraina ve qırımtatar milliy bayraqlarını berdiler. Soñra maşinalar kolonna tizip, saylav bölügine yol aldılar. Yerli sakinler qırımlılarnı «Slava Ukraine!» şiarlarınen qarşıladılar.
Bugün Ukraina vatandaşları memleket prezidentini saylaylar. Saylav bölükleri saat 8-de açıldı ve saat 20-de qapatılacaq.
Ukraina prezidenti vazifesine 17 adam namzet kösterdi. Esas raqipler Pötr Poroşenko ve "Batkivşçina" firqasınıñ lideri Yuliya Timoşenko oldılar.
Qırım.Aqiqat mühbiriniñ malümatına köre, qırımlılar tahminen yigirmi maşinadan ibaret kolonnanı tizip, saylav bölügine kelip çıqtılar. Saylav bölüklerine gençlerden ğayrı qartlar da keldi.
Qırımdan kelgen Niyara Abdullayeva qayd ete ki, onıñ bir çoq semetdeşi saylavlarda iştirak etmege istese de, er kesniñ qıtaiy Ukrainağa kelmek imkânı yoq.
«Bir çoq adam bugün mında olıp, bir de bir namzetke rey berecek, memleketniñ Avropa yönelişine ıntıluvlarına qol tutacaq edi. Lâkin, yazıq ki, er kes mında kelip olamay. Bazılarınıñ parası yoq, başqaları ise – siyasiy baqışlardan Qırımda zarar körmege qorqa», – dep añlattı Abdullayeva.
Hatırlatamız, bazar künü, mayıs 25-de, Qırım sakinleri prezident saylavlarında iştirak etmek içün qıtaiy Ukrainağa yol aldılar. Herson vilâyetiniñ Novoalekseyevka qasabasında qırımlılarnı yerli akimiyet ve yerli meclis vekilleri beklediler. Olar adamlarğa Ukraina ve qırımtatar milliy bayraqlarını berdiler. Soñra maşinalar kolonna tizip, saylav bölügine yol aldılar. Yerli sakinler qırımlılarnı «Slava Ukraine!» şiarlarınen qarşıladılar.
Bugün Ukraina vatandaşları memleket prezidentini saylaylar. Saylav bölükleri saat 8-de açıldı ve saat 20-de qapatılacaq.
Ukraina prezidenti vazifesine 17 adam namzet kösterdi. Esas raqipler Pötr Poroşenko ve "Batkivşçina" firqasınıñ lideri Yuliya Timoşenko oldılar.
