Herson vilâyetiniñ eñ az 644 sakini zorlav ile ğayıp oluv qurbanı oldı. Bunı "Qırım SOS" uquq qoruyıcı teşkilâtınıñ reisi Oleksey Tılnenko bildirdi .
"Büyük cenk vaqtında Herson vilâyetiniñ eñ az 644 sakini zorlav ile ğayıp oluv qurbanı oldı. "Qırım SOS" Cenk esirleri ve grajdan reineleri üzre "acele qattınıñ" çalışması devamında rusiyeliler tarafından esir etilgen şahıslarnen bağlı 1251 muracaat keldi", - dedi Tılnenko.
"Qırım SOS"ta qayd etkenleri kibi, Ukrayinanıñ işğal etilgen topraqlarında tutıp esir etilgen eñ az 126 kişi al-azırda Qırımda ya da Rusiyede bulunalar.
Yanvarniñ 17-nde Tılnenko eñ az 600 Ukrayina vatanadşı zorlav ile ğayıp oluv qurbanı olğanını bildirgen edi.
"Agenstvo" Rusiye neşri Aqmescit SİZO-sında Ukrayinanıñ işğal etilgen topraqlarında Rusiye ordusı ya da mahsus hızmetleri tarafından esir etilgen 50-den 100-ge qadar ukrayin tutulğanı aqqında yazğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
