Ukrayina Baş prokurorınıñ ofisi bildirgeni kibi, 2022 senesi iyün ayında şüheli işğal akimiyet tarafından qurulğan ''Acele tibbiy yardım ve felâketler tibbiyetiniñ merkezi'' müessisesiniñ reber muavini vazifesini aldı.
Bu vazifede qadın, Rusiye Federatsiyasınıñ protokollarına köre, oña boysunğan bölüklerniñ işini teşkil ete edi. Daa soñra, işğalci vilâyetniñ sağlıq saqlav nazirliginde "baş ştattan tış mütehassıs" vazifesini aldı.
''Oktâbr ayında o, Hersondan işğal etilgen Qırımğa on bir balanıñ mecburen avuştırılmasına yardım etti. Olar tibbiy-içtimaiy qoruvnı temin etken müessisede buluna ediler", - dep bildire prokuratura.
Berilgen malümatqa köre, qadın Lvivde bir müddet gizlengen edi ve Ukrayina devlet sıñırından keçmege tırışqanda tutulğan edi.
Daa evel belli olğanı kibi, Qırım Muhtar Cumhuriyeti ve Aqyar prokuraturası Qırımnıñ 155 sakinini kollaboratsiya faaliyetinde şekley.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
