Herson ülkeşınaslıq müzeyinden hırsızlanğan resimler Aqmescitteki Tavrida Merkeziy müzeyine avuştırılacaq, dep bildirdi Herson vilâyetiniñ Rusiye Medeniyet nazirligi. Bunıñ aqqında TASS haber ete.
"Eksponatlar saqlanması içün bütün tehnikiy talaplarğa uyğun olaraq nezaret altındadır", - dep yazıla bildirmede.
Evel Rusiye kütleviy haber vastaları, keçken sene küzde Rusiye arbiyleri tarafından hırsızlanğan Herson ülkeşınaslıq ve sanat müzeyleriniñ kollektsiyalarınıñ bir qısmı Geniçeskte olğanını bildirgen edi.
Ukrayina Milliy tirenüv merkeziniñ malümatına köre, rusiyeliliyer Herson vilâyetinden episi olıp 15 biñ resim çıqarğanlar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
